Nuk është vetëm çështje ndotjeje mjedisore por -edhe mbi të gjitha- shëndeti. Ideja e Beppe Sala, kryebashkiak i Milanos, që dëshiron një qytet që ndalon absolutisht duhanin, është nga ato idetë që sjell diskutime.
Qytetari i parë i Milanos ka në plan një kalendar fiks. “Deri në vitin 2030 nuk do të lejojmë më që të konsumohet duhan në ambiente të hapura. Dhe menjëherë, do të jetë e ndaluar konsumi i tij në stacionet e autobuzit ose në radhët e shërbimeve publike” shprehet aim, raporton scan.
Ky propozim konsiderohet si një nga më të ashprit në botë sa i përket duhanit. Pikërisht 17 vite më parë, në 16 janar të vitti 2003, parlamenti italian ka miratuar ligjin antiduhan që ndaloi duhanin në ambientet e mbyllura.
Ideja e kryebashkiakut të Milanos ngjason me atë të ndërmarrë në Suedi së fundmi. Nga korriku i vitit 2019, në qytetin skandinav ndalohen konsumi i duhanit në disa ambiente të hapura si përshembull stacionet e autobuzit, ato hekurudhore, parqet e lojërave apo në taracat e bareve e restoranteve.
Ky duket se është një trend botëror për faktin se shumë vende të tjera po përgatiten ta aplikojnë atë. Në Paris në 52 parqe publike nuk lejohet duhani dhe për shkelësit ka një gjobë 38 euro. Në Nju Jork, prej vitesh ndalohet konsumi në të gjitha parqet publike.
Në Barcelonë, e në të gjithë Katalunjën, po aprovohet një ligj që ndalon duhanin në shumë vende publike,edhe në ato të hapura. Në Kosta Rika, pas një anarkie të plotë, ka hyrë në fuqi një ligj që ndalon tymosjen në vendet e punës, në zyrat publike, baret, restorantet, ndalesat e autobuzit e në ndalesat e taksive. Scan
