Shqiptari Arsen Gjini, 28 vjeç, ka humbur jetën mbrëmë në Itali, si pasojë e një aksidenti rrugor. Sipas mediave italiane, i riu shqiptar udhëtonte me një makinë të fuqishme BMW 330, e cila rezultonte e vjedhur muaj më parë në Somma Lombardo (Varese), kur është përplasur me murin e një magazine, në Prato di Correggio.
Mësohet se pak para aksidentit, policia ishte sinjalizuar për një tentativë grabitjeje dhe po shkonte në vendin e ngjarjes. Mediat italiane shkruajnë se shqiptari dhe një shok i tij kishin tentuar të grabisnin një makinë, dhe sapo panë policinë u larguan me shpejtësi, me BMW e vjedhur.
Pas aksidentit, policia gjeti në makinë vetëm drejtuesin 28-vjeçar Arsen Gjini, i cili kishte humbur jetën, ndërsa shoku i tij ishte larguar. Ndërkohë, policia italiane është vënë në kërkim të bashkëpunëtorit të viktimës, i cili bashkë me Arsen Gjinin, dyshohet se bën pjesë në një bandë grabitësish që vepron shpesh në Reggio Emilia.
BW/d.i.
