Një sasi prej 1.6 tonë drogë e llojit marijuanë është sekuestruar nga policia italiane në portin e Barit. Mësohet se lënda nakoritke kishte vend origjine Shqipërinë dhe mbërriti me një traget.
Pas informacioneve të siguruara në rrugë operative nga auoritetet ligjzbatuese italiane, u kryen kontroll të detajuara në port.
Në një kamion të mbërritur nga Shqipëria me lëndë drusore, u zbulua edhe lënda narkotike. Sipas policisë italiane droga ishte fshehur midis druve. Gjatë aksionit të Guardia di Finanzias u prangosën dy shtetas shqiptarë emrat e të cilëve nuk bëhen ende të ditur.
Nga hetimet rezulton se grupi që trafikoi këtë sasi droge kishte si synim tregun verior të Italisë.
Vlera e marijuanës së sekuestruar nëse do të dilte në treg do të kapte shifrën e 16 milionë eurove.
