Dy shtetas shqiptarë, të akuzuar për vrasje të mbetur në tentativë janë arretsuar nga policia italiane. Lajmi bëhet i ditur nga mediat italiane sipas të cilave në pranga kanë rënë Artan Belliu 53 vjeç, Igli Kamberi 29 vjeç. Nga hetimet e kryera rezultojnë se këta janë pjesë e një grupi që kishin planifikuar të vrisnin kryekëshilltarin e Partisë Demokratike të komunës së Barletës Pasquale Ventura.
Mediat italiane thesojnë se plani i tyre për vrasje mban daten 20 janar të 2015, kur ndaj kryekëshilltarit të grupit të Partisë Demokratike në komunën e Barletës, Pasquale Ventura u qëllua disa herë me pistoletë me qëllim eleminimin e tij.
Pas hetimeve rezultoi se gruaja e tij, Concetta Dimatteo di Barletta ka paguar 2030 mijë euro ndërmjetësin shqiptar Artan Belliu 53 vjeç për eleminimin e ish-bashkëshortit të saj nga i cili ishte ndarë pak kohë më parë me konflikte të forta ekonomike e sentimentale.
Sipas hetimeve të Prokurorisë, shqiptari Belliu për kryerjen e këtij krimi ka kontaktuar me shqiptarin 29-vjeçar Igli Kamberi e italianët Giacomo Lanotte e Francesco Sibilano.
