Policia italiane ka shkatërruar një bandë të trafikut të drogës dhe prostitucionit duke vendosur në pranga 23 persona, ndërsa 4 të tjerë janë lënë në arrest shtëpie.
Mes 23 personave të arrestuar janë disa shqiptarë, ndërsa të tjerët janë italianë dhe afrikanë.
Hetimet që konkluduan me arrestimet e 23 personave nisën në 2015 pas një hetimi të koordinuar nga prokurorët në Monza në bashkëpunim me Departamentin për parandalimin e krimit të Lombardisë dhe Policisë në Milano, Bergamo, Mantova, Asti dhe Messina.
Organizata vepronte në Monza dhe në Milano, ndërsa akuzat janë për trafik droge, shfrytëzim prostitucioni, vjedhje dhe grabitje, posedim të paligjshëm të armëve dhe vrasje në tentativë. Gjatë operacionit është sekuestruar një sasi droge, armë zjarri dhe sende të tjera.
ma.me
