Policia e Italisë ka vënë në pranga Policia e Italisë ka vënë në pranga 4 shqiptarë si pjesë e një bande që grabiste vila dhe apartamente ne Itali.
Lajmi bëhet i ditur nga mediat italiane sipas të cilave, arrestimi i shqiptarëve është bërë në qytetin e Torinos, ku nga banda e shqiptarëve janë dokumentuar se paku 60 vjedhje në rajonin e Piemontes, mes të cilave dhe grabitja në 5 majin e vitit 2015. Madje gjatë vjedhjes së një vile në komunën e Canavese në Torino, pronari i saj 79 vjeçar qëlloi me armë në shpatull një nga grabitësit, shqiptarin Flori Eollaj 39 vjeç. Dy shqiptarët e tjerë, mundën të largoheshin pa u kapur nga forcat e rendit.
Ndaj shqiptarëve rëndojnë akuzat e “aktivitet e pjesëmarrje në organizata me qëllim kriminal”, vjedhje, grabitje, kërcënim e mbajtje pa leje armësh e municionesh”. Sipas policisë në momentin e arrestimit shqiptarëve iu gjetën 18 autovetura të cilat dyshohet se gjithashtu janë të vjedhura.
