Efektivët e forcave italiane të Policisë në qytetin e Ravenës kanë arrestuar një shqiptar, me inicialet X.D, 27 vjeçar. Shqiptari pasi i kishte shpëtuar një herë policisë, arriti të vihet në pranga nga Guardia di Finanza. Në dy shtëpitë e tij u gjend 500 gram kokainë dhe 1 kg marijuanë dhe një shumë prej rreth 37 mijë eurosh.
Paratë dhe 100 gramë kokainë, shqiptari i kishte futur në një kasafortë, ndërsa në një kavanoz kishte fshehur 350 gramë të tjera kokainë dhe 800 gramë marijuanë. Ky ishte rezultati i kontrollit në shtëpinë e tij në Milano Marittina. Droga që u sekuestrua kap vlerën e rreth 70 mijë eurove nëse do të shitej në tregun e zi.
27-vjeçari rezulton se ka emigruar në Itali që prej vitit 2009 dhe se kishte në emer të tij dhe dy makina Mini Cooper dhe një Fiat Bravo, që i përdorte për tregtinë e drogës. Ai është dërguar në burgun e Rovenës.
