Një shqiptar është arrestuar nga policia italiane në Ancarano, në provincën e Abruzzo, pasi është kapur me lëndë narkotike e llojit kokainë. Sipas mediave italiane në pranga ka rënë shqiptari Alban Rexhaj 22 vjeç pasi kishte kthyer shtëpinë në dyqan kokainë ku furnizoheshin trafikantët e zonës. Shqiptari mbahej prej kohësh nën vëzhgim, ndërsa gjatë ditës së djeshme policia ka ndërmarrë operacionin duke vënë në pranga shqiptarin.
Gjatë kontrollit në banesë policia gjeti dhe sekuestroi 5 gram kokainë të ndara në pako gati për shitje si dhe 10 mijë euro para kesh. Vijojnë hetimet për identifikimin dhe kapjen e personave të tjerë të përfshirë.
ma.me
