Pas vendimit të Drejtorisë së Emigracionit Islandez për refuzimin e kërkesës për azil nga ana e Familjes Telati, mbi 10 mijë qytetarë kanë firmosur një peticion, në vetëm 3 ditë, që kërkon lejimin e kësaj familje në Islandë.
Peticioni, “Let dhe Albanian Telati family settle in Iceland” nisi tri ditë më parë (18 tetor) nga gazetari dhe shkrimtari, Illugi Jokulsson.
“Ne, nënshkruesit nuk e kuptojmë pse familja Telati me pesë pjesëtarë nga Shqipëria nuk lejohet të qëndrojë këtu”, ne kërkojmë sa më urgjentisht të jetë e mundur që Drejtoria e Emigracionit të ndryshojë vendimin për dëbimin e familjes.”- shkruhet në peticion.
Pak pasi Drejtoria e Emigracionit nuk kishte regjistruar fëmijët në shkollë, ajo dha njoftimin për refuzimin e kërkesës për azil.
Sipas autoriteteve islandeze familja shqiptare nuk është përballë asnjë rreziku në Shqipëri edhe pse babai i kryefamiljarit Hasan Telati ka qenë figurë e njohur e Partisë Komuniste, por ndryshe shprehet familja e cila thotë se në Shqipëri është e përbuzur, madje që drejt shtëpisë së tyre ka patur të shtëna arme.