Qindra pengje të komunitetit të krishterë Jazidi janë vrarë në Irak nga militantë të Shtetit Islamik të ISIS në perëndim të Mosulit. Lajmi bëhet i ditur nga BBC sipas të cilës në një deklaratë të lëshuar nga Partia për Progresin e Jazidëve, thuhet se 300 pengje ishin ekzekutuar të premten në qarkun Tal Afar, pranë qytetit të Mosulit.
Nga ana e tij zëvendëspresidenti irakian, Osama al-Nujaifi e përshkroi këtë ngjarje si “të tmerrshme dhe barbare”.
Mijëra anëtarë të grupit të minoritetit fetar janë marrë peng që prej fundvitit të kaluar. Nuk është ende e qartë sesi janë ekzekutuar pengjet. Jazidët, feja e të cilëve përfshin edhe elementë të disa feve të tjera, konsiderohen si të pafe nga Shteti Islamik.
Redaksia Online
(JavaNews.al)
