Shteti Islamik ka konfirmuar se sulmuesi në trenin gjerman ka qenë një prej luftëtarëve të tyre, raporton agjencia e lajmeve AMAQ.
Ndërkaq, sipas BBC-së, një flamur i Shtetit Islamik është gjetur i vizatuar me dorë në dhomën e refugjatit afgan, i akuzuari kryesor për sulmin me sëpatë në një tren në Gjermaninë jugore, thonë zyrtarët.
17 vjeçari plagosi të hënën në mbrëmje katër persona nga Hong Kongu, dy prej të cilëve janë në gjendje kritik. Më pas, ai u qëllua nga policia.
Para se të sulmonte, sipas një dëshmitari, sulmuesi kishte thirrur “Allahu akbar”.
Kujtojmë se Gjermania ka pritur rreth 1 milion migrantë më 2015, përfshi edhe mijëra minorenë të pashoqëruar. Shumica prej tyre kanë ikur nga luftërat në Siri, Irak e Afganistan, citohet Koha. (b.an)
