Verdikti për heqjen e organeve citon tekste, parime dhe ligje islame në të cilat thuhet se përkrahet ai që quhet “nocion i lejueshëm për transplantimin e organeve të shëndetshme në trupin e një myslimani me qëllim të shpëtimit të jetës së myslimanit ose për zëvendësimin e një organi të dëmtuar”.
“Shteti Islamik” ka marrë vendim që të lejojë heqjen e organeve të pengjeve në një dokument të nxjerrë prej dijetarëve të grupit islamik, thuhet në një dokument, qasje në të cilin kishte Reutersi, përcjell Koha Ditore. Lajmi ka ngritur shqetësime se grupi i dhunshëm ekstremist mund t’i heqë organet nga trupat e atyre që i konsideron armiq. Vendimi, që mban datën e 31 janarit të vitit 2015, thotë se heqja e organeve të një pengu të gjallë për të shpëtuar jetën e një myslimani, qoftë edhe nëse mund të jetë fatale për pengun, është e lejueshme sipas parmeve islamike.