Sulmuesi i Përfaqësueses së Kolumbisë pritet të vazhdojë karrierën ne Meksikë. Mediumet e huaja, të premten kanë raportuar se interesim për Falcaon ka treguar skuadra nga Meksika, Club America. Mësohet se Falcao do të largohet nga Chelsea për shkak se klubi londinez nuk është i kënaqur me formën e tij. Kolumbiani para fillimit të këtij edicioni u huazua te Chelsea nga Monaco, por deri më tash për ekipin londinez ka shënuar vetëm një gol në 11 paraqitje.
Falcao dështoi edhe edicionin e shkuar kur ishte i huazuar te Manchester Unitedi, duke bërë që ekipi anglez të tërhiqet nga blerja e tij përfundimtare.
Sulmuesi 29-vjeçar, ka kontratë me skuadrën e Monacos deri në vitin 2019 dhe në radhët e saj u transferua para dy vjetësh nga Atletico Madridi për 60 milionë euro dëmshpërblim.