Arrestohet në pikën kufitare të Morinës një 41-vjeçar, i cili ishte shpallur në kërkim ndërkombëtar nga autoritetet belge për veprat penale të “Grabitjes” dhe “Trafikimit të drogës”.
41-vjeçari Naim Shkodra u arrestua për llogari të autoriteteve belge, pasi ishte shpallur në kërkim ndërkombëtar nga Interpol Brukseli/Belgjika.
“Policia Kufitare e Morinës kap dhe arreston një shtetas Kosovar të shpallur në kërkim ndërkombëtar. Nga ana e shërbimeve të Policisë Kufitare në P.K.K.Morinë, në hyrje u bë kapja dhe arrestimi provizor i shtetasit të shpallur në kërkim ndërkombëtar nga Interpol Bruksel/Belgjika: Naim Shkodra, vjeç 41, lindur në ShkupMaqedoni, banues në FerizajKosovë, pasi ky shtetas është shpallur në kërkim ndërkombëtar nga autoritetet Belge të Drejtësisë për veprat penale të “Grabitjes” dhe “Trafikimit të drogës”, për të cilën është dënuar nga Gjykata e Antwerpit/Belgjike me 2 vjet burg. Materialet e para procedurale do i kalojnë Prokurorisë së Rrethit Gjyqësor Kukës , për vlerësim.” thuhet në njoftimin e policisë.
