Policia e Krujës ka bërë të mundur arrestimin e një 33-vjeçari, pasi në banesën e tij i është gjetur një sasi prej 22 kg kanabis sativa.
Mësohet se në pranga është vënë Genc Plepi 33 vjeç, banues në Arrameras, Fushë – Krujë.
Nga hetimet e kryera, 33-vjeçari ka qenë bashkëpunëtor më babain e tij, me Gëzim Plepi, i arrestuar dy ditë më parë, dhe vëllain e tij, E.P. i shpallur në kërkim, ku gjatë kontrollit të ushtruar në banesën e tyre iu gjetën dhe sekuestruan rreth 22 kg lëndë narkotike e dyshuar e llojit Cannabis Sativa .
Policia thotë se vijon puna për kapjen e bashkëpunëtorit tjetër të shpallur në kërkim, E.P. 26 vjeç, banues në Arrameras, Fushë – Krujë.
Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale “Prodhimi dhe shitja e narkotikëve”./b.d
