Ish kryeministri Sali Berisha një ditë pas protestës tha se tubimi i ditës së djeshme ishte një tubim nuklear. Sipas tij, qytetarët që morën pjesë ditën e djeshme nuk ishin për të në protestë, por ishin misionarë për të rrëzuar qeverinë e Ramës.
“Shpreh mirënjohjen time më të thellë, falënderimet më të përzemërta ndaj atyre qytetarëve, demokratëve, anëtarë të shoqërisë civile, anëtarë të partive politike opozitare, anëtarëve të PS dhe forcave të tjerë për pjesëmarrjen e tyre si misionarë të vërtetë në protestën e datës 7 korrik, e cila në përmasat e saj në frymën dhe mesazhin tejkalon në këto 30 vite çdo protestë tjetër. Mbrëmë në Bulevardin Dëshmorët e Kombit, të gjithë ata që erdhën nga cdo skaj dhe lagje e Tiranës dhe e Shqipërisë, nuk ishin aty për Sali Berishën, nuk ishin aty për thjesht një protestë. Ishin që të gjithë misionarë, njerëz në përmbushje të një misioni, në këtë aspekt forca e një tubimi madhështor misionarësh nuk është je jashtëzakonshme, por është nukleare”, tha Berisha.
g.kosovari
