Ministri i Punëve të Brendshme të Turqisë Efkan Ala ka shkarkuar nga detyra pas grushtit të shtetit 5 gjeneralë dhe 29 kolonelë. Sipas ‘’Anadolu Agency’’ ata janë të Organizatës Terroriste FETÖ. Mësohet se 754 ushtarakë të forcave të armatosura turke kanë qenë të përfshirë në grushtin e shtetit.
Ushtria turke ka kryer edhe një operacion të vështirë për të shpëtuar shefin e Shtabit të Përgjithshëm të Turqisë, gjeneralin Hulusi Akar, raporton ‘’Dailysabah’’.
Gjenerali ishte marrë peng nga ushtarakët pjesë e grushtit të shtetit dhe e kishin transportuar me helicopter në bazën ajërore të Akıncılarit, 35 kilometra larg Ankarasë.
Gjenerali, pasi u shpëtua, u dërgua në një vend të sigurtë, raportojnë mediet.
“Situata është normalizuar. Falënderoj liderët e opozitës, pasi i dolën zot demokracisë. Duke treguar qëndrim të vendosur, u pozicionuan në anën e qeverisë.
Qytetarët tanë nuk ua lëshuan rrugët puçistëve, i falënderoj shumë’’, tha kryeministri Binali Yildirim.
