Një 49-vjeçar, shtetas francez, është gjetur i pajetë në ambientet e një bujtine në fshatin Gjerbës të Skraparit.
Policia bën të ditur se është njoftuar për ngjarjen nga pronari i bujtinës shtetasi M.L..
Pasi ka shkuar në vendngjarje, policia ka gjetur të pajetë shtetasin francez C.F. në trupin e të cilit nuk janë konstatuar shenja dhune.
“Rreth orës 19:30, shtetasi M.L. njofton se në bujtinën e tij në fshatin Gjerbës, Skrapar, ka gjetur pa shenja jete shtetasin francez C.F, 49 vjeç, i cili kishte disa ditë që ishte akomoduar në këtë bujtinë.
Nga këqyrja paraprake në trupin e viktimës nuk janë konstatuar shenja dhune.
Grupi hetimor po punon për zbardhjen e shkakut të humbjes së jetës së 49-vjeçarit”, njofton policia.
/a.r
