Specialistët për Krimet në Komisariatin e Policisë Durrës bënë të mundur gjetjen e dy shtetasve, të cilët ishin denoncuar nga familjarët si të zhdukur, por që në fakt ka rezultuar se janë larguar me dëshirë.
Policia ka bërë të mundur gjetjen e shtetasit me iniciale K.T. 21 vjeç, banues në Durrës, pasi më datë 26.01.2017, ora 01:30, ka bërë kallëzim mamaja e tij, shtetësia V.T. 45 vjeçe, pasi më datë 24.01.2017, ora 09:00 I ishte larguar nga banesa djali.
Gjatë deklarimit të dhënë para Oficerit të Policisë Gjyqësore shtetasi I mësipërm pohon se është larguar me dëshirë. Policia ka bërë të mundur edhe gjetjen e shtetasit A.Z. 43 vjeç, banues në Durrës, pasi më datë 28.01.2017, ora 01:00 ka bërë kallëzim bashkëshortja e tij, shtetësia E. Z. 36 vjeçe, pasi më datë 23.01.2017, ora 16:00 i është larguar nga banesa bashkëshorti. Materialet i kaluan Prokurorisë së Rrethit Gjyqësor Durrës për veprime të mëtejshme.
