Në aktivitetin që u zhvilluar sot “Shqipëria Turistike 2030”, ministrja për Infrastrukturën dhe Energjinë Belinda Balluku kujtoi një moment që e konsideroi të vështirë për t’u përballuar nga Aviacioni Civil dhe Aeroporti i Rinasit, kur në Tiranë po luhej një ndeshje e rëndësishme ndërkombëtare.
“Avancimi që ka patur aviacioni në aeroportin e Tiranës shprehet përmes shifrave. Më 25 maj të 2023 në një ndeshje ndërkombëtare që po zhvillohej në Tiranë, mbaj mend që ishim të gjithë të alarmuar sepse do vinin rreth 23 mijë pasagjerë dhe na është dashur të koordinohemi të gjithë me aviaionin civil, aeroportin vetë sepse ishte një nga testet që s’e dinim që do e kalonim. Dhe e kaluam me sukses.”, tha Balluku gjatë fjalës së saj.
