Protesta kombëtare e kësaj të shtune ka marrë një tjetër drejtim, ndërsa turma e protestuesve është larguar nga bulevardi “Dëshmorët e Kombit” dhe është zhvendosur drejt rrugës “Myslym Shyri”.
Në hyrje të rrugës, protestuesit kanë zhvendosur kazanët e mbeturinave dhe u kanë vënë flakën, duke krijuar një barrikadë në drejtim të forcave të policisë.
Lëvizja e protestuesve vjen pas ndërhyrjes së fortë të policisë përpara Kryeministrisë, ku u përdorën sasi të mëdha gazi lotsjellës dhe ujë me presion për shpërndarjen e turmës.
Forcat e rendit janë vënë në ndjekje të protestuesve.
