Ish- ministri i Mbrojtjes, Luan Hajdaraga pësoi një hemorragji cerebrale në kufirin mes Shqipërisë dhe Maqedonisë, para disa ditësh.
Si pasojë e një goditje të lartë tensioni, Hajdaraga ka pësuar paralizë në gjysmën e majtë të trupit.
Mjekja Mira Rakacolli bën me dije se ka pësuar një hemorragji të madhe në tru për shkak të një tensioni shumë të lartë, në vlerat 27.
“Kemi punuar për mbajtjen nën kontroll të problemeve kardiake duke ulur tensionin në vlera më normale e të pranueshme, duke iu larguar gjithnjë e më shumë vlerës ekstreme që tensioni i z. Hajdaraga ka shënuar në momentin kur pësoi hemoragji në tru”, u shpreh mjekja.
Mësohet se në momentin e ishemisë Hajdaraga humbi kontrollin e mjetit duke goditur traun e kufirit shqiptar./a.m.
