Pas denoncimit që bëri mbrëmë në emisionin ‘Repolitix’ në Report Tv ish- drejtuesi lartë i Policisë së Shtetit Mit’hat Havari se është kërcënuar, policia ka shpallur në kërkim autorin, referuar kallëzimit. Sajmir Moilli është personi që është shpallur në kërkim për kërcënim kundër Havarit.
Ish-drejtuesi i policisë zbuloi mbrëmë se më 23 tetor u kërcënua nga Sajmir Moilli me urdhër të një krimineli, të cilin ai e kishte denoncuar më herët në një studio televizive. Havari tha se e ka denoncuar rastin në polici, por akuzoi se uniformat blu kanë hezituar dhe pavarësisht se ka rreth 10 ditë që ka ndodhur ngjarja, “ai krimineli” nuk ka rënë në pranga. Por gazetari i Report Tv Arsen Rusta raporton se Sajmir Moilli është shpallur në kërkim.
“Janë kërcënuar rrugëve, në 23 të muajit tetor, jam qytetar i thjeshtë, jam kërcënuar rëndë nga Sajmir Molli, më terrorizoi. Kishte marrë përsipër nga një kriminel. Ti e di nga kush e kam porosinë”, më tha se denonciva publikisht dikë në TV. Kam marrë Ardi Veliun, në celular u tregua i gatshëm, por ka kaluar 10 ditë dhe askush nuk ka rënë në pranga. Shoh një lloj hezitimi, një polici inekzistente. Kam qenë zyrar i lartë i policisë së shtetit.
S’kemi ngelur rrugëve që të na denigrojnë ashtu’. S’ka dhënë kontribut për Shqipërinë më shumë se unë, po t’i kishte ndodhur Ramës do ishte ngritur shteti në këmbë. Atë ditë që më ka kërcënuar, ka kërcënuar dhe një polic. Janë gjëra të rënda. Më fyu shumë rëndë, “Fu*k ëife, daughter , everything” Isha në terror psikologjik, s’kisha asnjë lloj përkrahje as nga banorët që unë jetoj aty prej 25 vite, s’jam boksier, s’mund të bëja grushta me të“, tha Havari.
g.kosovari
