Në deklaratën e publikuar nga Nju Jork Daily Njus, Nikson thotë se ai nuk e kishte të qartë situatën në rajon në ato kohë.
Hetuesi i CIA-s ka hedhur përshtypjet e tij në librin: “Marrja në pyetje e Saddam Hussein”, i cili do të dalë në shitje në 27 dhjetor të këtij viti. Ishte pikërisht Nikson që identifikoi Sadam Husein nga shenjat dhe tatuazhet pasi ushtarët amerikanë zbuluan se ku fshihej. Autori i librit, këmbëngul se Hussein nuk planifikonte të sulmonte vendet fqinjë apo ato perëndimorë. Madje Sadam mohonte kategorikisht se kishte bërë plane kundër presidentit amerikan Xhorxh Bush.
Saddam Hussein u rrëzua nga pushteti në prill të 2003-shit, pas pushtimit të forcave së koalicionit të drejtuara nga Shtetet e Bashkuara të Amerikës dhe Mbretëria e Bashkuar, raporton Klani.
Gjykata e lartë në Irak e akuzoi për vrasjen e 148 banorëve të fshatit Al-Dujail në 1982-shin. Ish lideri u shpall fajtor, u dënua me vdekje dhe u ekzekutua në dhjetor të 2006-ës.
