Ditët e fundit debati politik në Shqipëri dhe përtej saj, është përqendruar tek akuzat e ndërsjellta mes Hashim Thaçit dhe Sali Berishës. Presidenti kosovar i kujtoi Berishës lidhjet me Millosheviç dhe si e furnizonte ai Serbinë me naftë, edhe pse ishte në luftë me Kosovën. Por si qëndron e vërteta e këtyre lidhjeve?
Ish-kryetari i Shërbimit Informativ të Shtetit, Fatos Klosi thotë se bëmat e Berishës në këtë çështje tregojnë se ai ka patur lidhje me Millosheviçin.
“Unë nuk mund të them sse Berisha ka këto lidhje. Edhe nëse ka patur, i ka bërë në mënyrë të kujdesshme. Por, duke marrë të gjitha sjelljet e tij, qoftë kjo që po diskutohet sot, thyerja e embargos për Jugosllavinë tregon që ka lidhje. Shiko e ka thënë edhe Bullatoviç, një nga personazhet më kryesorë të asaj kohe. D.m.th bëmat e Berishës tregojnë që ai ka pasur lidhje. Mesa duket ky ka gisht sepse ky ka përfituar nga kjo punë”, tha për Sot, Fatos Klosi.
Sipas tij, nëse vëzhgohen deklaratat apo veprimet e ish-kryeministrit, arrin në përfundimin e lartpërmendur.
“Për sa kohë veprimet e Berishës, sidomos kjo puna me embargon, kanë qenë në favor të Jugosllavisë në atë kohë, është e qartë që Berisha nuk e ka bërë ashtu siç e kam dëgjuar edhe unë që “e çoi naftën në Jugosllavi që të mos kishin ftohtë kosovarët dhe të ngroheshin gjatë dimrit”. Broçkull çdo gjë. Po të mos e kisha dëgjuar këtë shprehje unë do ta kisha harruar vërtetë që Berisha është prononcuar”, u shpreh Fatos Klosi.
ma.me
