Gjykata e Lartë e Brazilit urdhëroi të martën (25 nëntor) që ish-presidenti Jair Bolsonaro të fillojë të vuajë dënimin e tij prej 27 vjetësh burg për komplotin e një tentative grushti shteti. Gjyqtari Alexandre de Moraes urdhëroi që ai të mbahet në selinë e Policisë Federale në Brasilia.
Në shtator, Bolsonaro u dënua me 27 vjet e 3 muaj burg nga Gjykata Supreme për lidhje me grushtin e planifikuar pas humbjes së zgjedhjeve presidenciale në 2022 kundër Luiz Inácio Lula da Silva.
Mbrojtja e tij vendosi të mos paraqesë apel përfundimtar, dhe kështu gjyqtari Moraes deklaroi dënimin si përfundimtar, duke rrëzuar çdo shans për ankesa të mëtejshme.
Arrestimi i tij përfundoi kur policia e mori në paraburgim pasi ai, sipas autoriteteve, u përpoq të hiqte monitorin elektronik që i ishte vënë në kyçin e këmbës.
Në një seancë, Bolsonaro tha se veprimi nuk ishte për të ikur nga dënimi, por erdhi për shkak të halucinacioneve pas një ndryshimi medikamentozi.
Ka lezet këto lloj dënimesh për politikanët. Përtej faktit ishte apo jo fajtor, dënimet për politikanë që janë të korruptuar apo përpiqen të prishin rendin kushtetues duhet të kenë të tilla dënime. Jo si tek ne që vjedhin miliona euro dhe dënohen me 5 vjet max. Ndërkohë i ulet dënimi ngaqë rri në paraburgim shumë gjatë e i fusin dhe një amnisti dhe në fund dalin me 3-4 muaj burg dhe këto i bën shërbim prove.. pupupuuu kulmi i ironisë.