Ajo që po i ndodh Kosovës aktualisht, pas dënimit të ish-krerëve të UÇK-së, është arritja më e madhe e agjenturave ruso dhe serbe përkundrejt faktorit shqiptar.
Kjo ishte deklarata e fortë që ish-ministri i Mbrojtjes, Pirro Vengu bëri në Top Story, ku theksoi se dita e nesërme është kritike për Kosovën.
Vengu gjithashtu pati kritika për koordinimin mes Kosovës dhe Shqipërisë
Aipas tij, nga Prishtina nuk ka pasur komunikim me Shqipërinë as në nivel qeveritar dhe as në nivel partiak, ndërsa reagimi i dy vendeve mbeti vetëm te deklaratat e bëra në parlamentet respektive.
“Është evidente që ka dy kriza që janë bërë bashkë në këto 48 orë të fundit, kriza e tejzgjatur politike dhe institucionale në Kosovë dhe vendimi i Hagës që është vetëftuar në dilemat politike të Kosovës. Ajo që është shqetësuese është fakti që kemi vetëm 24 orë përpara, në mesnatës e ditës së nesërme skadon afati për zgjedhjen e presidentit dhe praktikisht është sikur Kosova të gjendet para një humnere nga një anë apo nga ana tjetër. Në dijeninë time nuk ka pasur koordinim me qeverinë e Shqipërisë as në nivel partiak as qeveritar nga shteti i Kosovës sa i takon hapave që duhet të marrim kombtarisht pas vendimit të Hagës. Ne duhet të gjejmë resurse brenda nesh për të kuptuar se ajo që po i ndodh Kosovës është një nga arritjet më të mëdha të agjenturave ruse dhe serbe përkundrejt faktorit shqiptar në rajon padyshim në dekadën e fundit”, tha Vengu
