Ish-kreu i Komunës së Velipojës, njëherazi dhe ish-deputet i PDK-së, Pashko Ujka ka rënë pre e një atentati mbrëmjen e kësaj të hëne, për pasojë ka mbetur i plagosur.
Mësohet se Ujkës i është bërë pritë pranë shtëpisë së tij, në lagjen “Vasil Shanto”, pranë Lulishtes te Kisha Ortodokse, rreth orës 18:15, ku mësohet se ka marrë plagë në shtyllën kurrizore. Në ato momente ai ka qenë i shoqëruar nga bashkëshortja dhe vëllai i tij të cilët kanë parë të gjithë ngjarjen.
Ai është dërguar në urgjencë në spital, ku ndodhet në gjendje të rëndë, për pasojë familjarët kanë kërkuar ndihmë qytetarëve që të dhurojnë gjak. Deri më tani nuk ka asnjë gjurmë të autorit ose autorëve.
“Persona që kanë gjakun A negativ ftohen në spitalin rajonal të Shkodrës të dhurojnë gjak për të Pashko Ujkën”, njoftojnë familjarët e tij.
/b.h
