Ish-ambasadori i Shqipërisë në Kosovë, Islam Lauka, ka shprehur kritika të forta ndaj presidentit amerikan Donald Trump, duke e akuzuar se po destabilizon botën.
Në një reagim për Dritare Tv, Lauka komentoi rrezikun e një konflikti të madh dhe ndikimin e situatës ndërkombëtare mbi Shqipërinë, duke theksuar se edhe pse tensionet janë të larta, ekzistenca e armëve bërthamore mbetet një pengesë për shpërthimin e një lufte globale.
Ai gjithashtu kritikoi qasjen e Trump, duke e cilësuar si një faktor kryesor të destabilizimit të rendit ndërkombëtar dhe ndikimin e tij mbi sigurinë globale.
Islam Lauka: Nuk e besoj se mund të kalojmë në një luftë të madhe, pavarësisht se situata është goxha e vështirë, por besoj që ekzistenca e armës bërthamore është pengesë për të mos shpërthyer, sa për logjikën që ka Trump. Shqipërinë ajo e prek, siç prek gjithë botën. Besoj që nuk kalojmë në një luftë të madhe, se po kaluam në luftë të madhe, kalojmë automatikisht në luftë bërthamore. Kur ti ta godasësh tjetrin, do presësh edhe kundërgoditje, apo jo? Natyrisht që nuk është mirë sepse Irani ka qenë dhe mbetet diktaturë. Shpresa është që, meqenëse janë goditur shumica e udhëheqësve të tij, përfshirë dhe udhëheqësin shpirtëror, të ketë një ndryshim në qeverisjen e vendit, domethënë të vijë një qeveri më demokratike. Kaq është shpresa. Po që ishte veprim, domethënë prej rrugaçi, nga ana e Trumpit, sepse fatkeqësisht Trumpi është faktori kryesor që ka destabilizuar rendet ndërkombëtare. Ishte Putini deri dje, por Putini nuk arriti deri aty sa ta prishë rendin që ne e njohim si rend liberal ndërkombëtar. Gozhdën e fundit në arkivolin e këtij rendi i vuri Trump dhe po vazhdon. Këto janë pasojat që vijnë nga një politikë e papërgjegjshme, që e ka burimin tek konceptet ultra të djathta ekstreme të një shtrese që e mbështet atë që njihet si MAGA.
Ky Leuka i Sali Berishës, nga kokë e madhe e diplomacisë shqiptare vetëm në Kosovë, tani është këthyer në kokë loqe, nga që as Saliu nuk e pjerdh më.