Kryeministri Edi Rama e shvlerësoi manifestimin e thirrur më 2 mars nga Presidenti Ilir Meta, në mbrojtje të Kushtetutës, sipas kreut të shtetit.
Teksa paraditen e sotme po fliste në konferencën e rindërtimit për për familjet e prekura që kanë humbur shtëpinë si pasojë e tërmetit të 26 nëntorit, Rama u pyet mbi manifestimin e Presidentit.
Ai tha se Presidenti e ka shtëpinë, madje shtoi “më shumë se një shtëpi”.
“Unë jam këtu për shtëpitë e atyre që jetojnë në çadra, apo me qera, për ata jam këtu, jo thjesht në konferencë, por për të gjitha orët e ditës time dhe ditë natë.
Ua kam lënë juve çështjen e Presidentit, unë nuk merrem me Presidentin, është shumë luks i madh për mua”, u shpreh kreu i qeverisë.
/a.r
