Kryeministri Edi Rama ka vënë në fokus të “komunikimit javor” votimin e organeve të vettingut ditën e nesërme, duke i bërë kështu thirrje opozitës që të vijë në parlament për t’i hapur rrugën reformimit të gjyqësorit.
Kryeministri është shprehur se pozicioni aktual i opozitës i ngjan shumë atij personi që ka hipur në majë të pallatit dhe kërcënon se do të hidhet nëse nuk i jepet i gjithë pallati, duke e asociuar kështu me reformën në drejtësi analogjinë.
“Koha është tani dhe cdo vonesë në clirimin e drejtësisë në pengmarrjen e saj, i kthen politikanët që pengojnë vettingun, në pengmarrës të shqipërisë, ekonomisë dheintegrimit tonë në europë…
Koha është tani dhe qeveria është gati tani, për të bërë detyrën e saj kushtetuese duke i hapur rrugë vettingunt dhe duke mbështetur pa asnjë rezervë prokurorët e gjykatësit që do të dalin të pastër e të denjë nga ky proces në detyrën e tyre madhorë të vendosjes së një dretësie të re dhe të drejtë.
Opozita nuk mund të fshihet më në çadrën e luftës për pushtet duke braktisur detyrën e saj kushtetuese politike e qytetare të përfaqësimit të zgjedhësve të tyre, të cilët mbase nuk e duan këtë qeveri, por shqipërisë drejtësinë dhe integrimin e duan po njësoj sa zgjedhësit dhe votuesit e kësaj qeverie.
Të thuash sot qeveria e zgjedhur nga populli madje me zgjedhje që i kanë organizuar vetë, duhet të iki se përndryshe i fitojnë zgjedhjet, dhe prandaj ska kuptim të bëhen zgjedhjet, është njësoj sikur të thuash se kushtetuta e ligji janë fjalëboshe… të thuash çadra ime është popull dhe të ulërasësh se të gjitha tjerat përfshi dhe qëllimet e mira të partenrëve tanë ndërkombëtarë, janë më falni bullshit, është sikur të kesh hipur në majë të një pallati dhe të vësh alarmin se do të hidheshme kokë nëse nuk të japin çelësat e pallatit.”-tha Rama./java/a.k
