Një shqiptar i kërkuar për vrasje në qytetin e Mançesterit në Angli është arrestuar në Irlandë, rreth 11 vjet pas krimit. Lajmi bëhet i ditur nga mediat irlandeze sipas të cilave në pranga ka rënë shqiptari Alfred Kurti, 31 vjeç. Ky i fundit së bashku me disa shqiptarë të tjerë, në prill 2004 vranë në qytetin e Manchesterit, shtetasin britanik me origjinë indiane Bob Singh.
Në momentin e arrestimit Kurti tha se ai nuk ishte personi që ata kërkonin dhe se ai quhej Albert Gjini.
Gjatë seancës së parë të ekstradimit oficerët e policisë irlandeze i thanë policisë se, nga krahasimi i shenjave të gishtërinjve marrë nga policia e Manchesterit, rezulton se personi përpara gjykatës është Alfred Kurti.
Për këtë vrasje si bashkëautor u ektradua nga Italia në Angli dhe u dënua me 16 vite burg Emirjan Hysaj.
Ndërsa Mariol Semaj do të dënohej me 12 vite. Të akuzuarit tjetër Artan Hysaj iu rrëzuan akuzat për vrasje në gjykatë.
