Vrasja e trefishë në Tiranë më 27 Maj, nuk ishte një koflikt i rastësishëm, madje zanafilla e tij vjen që nga Holanda dhe konfliktet mes shqiptarëve atje për kontrollin e një pjese sa më të madhe të territorit për trafikun e drogës dhe prostitucionit.
Sipas A1 Report, i cili ka siguruar dosjen e vrasjes së Ilir Sulkut në Riderkerk, ai do të mbetej i vrarë në Prill të këtij viti teksa kthehej në Riderkerk.
Në dosje thuhet se Sulku rezulton ka shkuar në Holandë ilegalisht në vitin 2010 e për 5 vite ka qendruar në Roterdam e Riderkerk në banesa me qira.
Ai u ekzekutua nga dy persona të cilët pasi kanë survejuar lëvizjet e 33-vjeçarit kanë vendosur ta vrasin në parkingun e pallatit ku shqiptari jetonte me të dashurën e tij. Madje këtë të fundit pak çaste para vrasjes e njoftonte në ‘Ëhat’s up’ se nuk vonohej dhe po mbërrinte në shtëpi.
Në automjetin BMË të përdorur në vrasje, në të cilin hetuesit kanë gjetur gjurmë të autorëve dhe janë pikërisht këto gjurmë të cilat sipas burime për A1 Report në Prokurorinë e Krimeve të Rënda, do të krahasohen me ato të Markeljan e Klevis Doçit dy nipërve të Mentor Lufit “Doçit”, pasi ata dyshohet të jenë autor të mundshëm të kësaj ngjarje.
Po sipas A1 Report pritet që në Shqipëri të mbërrijë edhe një grup hetuesish holandezë të cilët do të krahasojnë provat materiale të sekuestruara në skenën e krimit ku u vra Ilirjan Sulku me ato të sekuestruara nga masakra e 27 majit në Tiranë, ku mbeti i vdekur Besnik Sulku, Mentor Lufi dhe Gerti Goxhaj.
