Irani testoi sistemin e ri antiraketë Bavar 373, i ngjashëm me atë rus S-300, që do të livrohet për forcat e armatosura deri në mars 2018, ndërkohë televizioni shtetëror publikoi gjithashtu sot një bazë sekrete të dronëve mbikëqyrës dhe luftarak.
“I gjithë sistemi është kompletuar dhe testet janë kryer”, njoftoi komandanti për mbrojtjen antiajrore, gjenerali Farzad Esmaili, cituar nga faqja në internet e televizionit shtetëror.
“Ky sistem është prodhuar plotësisht në Iran dhe disa pjesë janë ndryshe nga S-300”, shtoi ai duke theksuar se iranianët kërkojnë ta përdorin paralelisht me sistemin mbrojtës rus S-300, përcjell Atsh.
Irani kishte vendosur të përfshihej në prodhimin e Bavar 373 kur Rusia ndërpreu në vitin 2010 një kontratë të arritur tre vjet më herët në kuadër të furnizimit të sistemit S-300. (b.an)
