Administratat e Donald Trump dhe Benjamin Netanyahu po e konsiderojnë Mojtaba Khamenei, djalin e udhëheqësit suprem të Iranit Ali Khamenei, si një objektiv strategjik, pas eliminimit të babait të tij. Zyrtarët perëndimorë e kanë përshkruar atë si një “lider të papërshtatshëm” dhe “një pengesë të lehtë”, duke llogaritur se vdekja e tij mund të dobësojë rezistencën e Gardës Revolucionare iraniane.
Megjithatë, ekspertët paralajmërojnë se ky perceptim mund të jetë i gabuar. Kultura shiite, e formuar nga martirizimi i Hussein-it në Karbala, ka forcuar traditën e sakrificës.
Në propagandën e Republikës Islamike, Ali Khamenei nuk ka përdorur bunkerë të fshehtë, duke e vendosur interesin e popullit mbi të vetin. Sipas kësaj logjike, edhe Mojtaba është i gatshëm për sakrificë, por po bën gjithçka për të mbijetuar, duke synuar që një Iran i shkatërruar të mbajë ende moralin e rezistencës.
Raportohet se Mojtaba Khamenei ka mbetur i plagosur nga bombardimi që i vrau pjesëtarët e familjes: babanë, nënën, gruan, një fëmijë dhe dy nipër. Për të shpëtuar, ai mund të jetë fshehur në spital, në një seminar fetar në qytetin e shenjtë Qom, ose kudo tjetër, përveç zonave të njohura qeveritare.
Strategjia e tij e mbrojtjes bazohet në “rrathë të mbrojtjes”: Një grup i vogël trupash të besueshëm, rrethuar nga civilë të panjohur që transmetojnë mesazhet përmes kodit dhe mjeteve analoge, duke shmangur çdo gjurmë digjitale të lehtë për t’u spiunuar.
Për komunikim përdoren metoda të vjetra si letra dhe shenja fizike, ose teknologji të sofistikuara të pashoqëruara me rrjetet digjiitale të zakonshme. Qëllimi është të ruhet çdo informacion që mund të çojë tek vendndodhja e tij, pasi një gabim i vetëm mund të rezultojë fatale.
