Irani i kundërpërgjigjet SHBA-së se është gati të përfshihet në luftë me të.
Deklarata e ashpër e shtetit iranian erdhi pas akuzave të SHBA-së se bombardimet e rafinerive kryesore të naftës të Arabisë Saudite u organizuan nga Republika Islamike e Iranit.
Zëdhënësi i Ministrisë së Jashtme të Iranit Abbas Mousavi u shpreh se ‘’Uashingtoni po përdor strategjinë e ‘presionit maksimal’ ndaj Iranit, por për shkak të dështimeve të tij, SHBA-ja po bazohet në gënjeshtra’’.
Njëri prej komandatëve Gardës Revolucionare të Iranit, Amirali Hajizadeh kërcënoi SHBA-në se ‘’Irani është gjithmonë gati për luftë totale dhe se bazat amerikane të stacionuara 2 mijë km larg Iranit janë nën shënjestrën e raketave iraniane’’.
Bombardimet e rafinerive kryesore të naftës në Arabinë Saudite shkatërruan gjysmën e prodhimit të naftës së monarkisë saudite. Nga ana tjetër, presidenti amerikan Donald Trump dha mbështetjen për aleatin e tij Arabinë Saudite./l.m
