Irani ka vendosur kushte të reja dhe të ashpra për rihapjen e Ngushticës së Hormuzit, ndërsa tensionet janë përshkallëzuar sërish në rajon.
Këshilli Suprem i Sigurisë Kombëtare në Teheran deklaroi se Ngushtica nuk do të hapet, derisa Shtetet e Bashkuara të korrigjojnë sjelljen e tyre.
Republika Islamike kërkon që SHBA-të të ndalojnë përfundimisht luftën, të heqë bllokadën detare, të tërheqë forcat ushtarake nga rajoni, të kompensojë dëmet e luftës, të heqë sanksionet dhe të lirojë asetet e ngrira iraniane.
Ministri i Jashtëm Iranian Abbas Araghchi tha se negociatat për lundrimin në Hormuz janë pranë një marrëveshjeje, veçanërisht për përcaktimin e një korridori tranziti.
Por theksoi se rihapja e plotë varet nga zgjidhja e çështjeve të tjera. Omani, që po ndërmjetëson bisedimet, tha se negociatat po zhvillohen në një atmosferë pozitive dhe konstruktive.
Ndërkohë, autoritetet e Emirateve të Bashkuara Arabe thanë se një anije e kompanisë Adnoc u godit nga një raketë iraniane gjatë natës.
Nga sulmi nuk pati viktima, ndërsa kompania deklaroi se dhjetëra anije të saj janë sulmuar me raketa dhe dronë që nga nisja e luftës.
Me afatin 60-ditor të marrëveshjes së qershorit që përfundon pas pak më shumë se një jave, një marrëveshje përfundimtare mbetet ende e pasigurt.
