Analisti i njohur Frrok Çupi, u shpreh se Irani po ushtron ndikim në protestat e fundit në Shqipëri dhe se institucionet shtetërore duhet të reagojnë për të mbrojtur sigurinë dhe stabilitetin e vendit.
Sipas Çupit, kreu i Partisë Demokratike, Sali Berisha, ishte “i detyruar të mbronte dhe të përkrahte Iranin kundër Shqipërisë”.
Analisti pretendoi se Irani është i pranishëm përmes financimeve, ndikimeve ideologjike dhe rrjeteve të personave e agjencive ndërmjetëse që, sipas tij, po përpiqen të ndikojnë protestën.
Ai ngriti shqetësimin për atë që e cilësoi si rrezik të depërtimit të influencës iraniane dhe të ekstremizmit fetar në Shqipëri, duke kërkuar reagim të menjëhershëm nga institucionet shtetërore.
“Sot Sali Berisha ishte i detyruar me patjetër të mbronte Iranin dhe të përkrahte Iranin kundër Shqipërisë. Irani është prezent me pagesa, me pagesa me njerëz që shërbejnë, prezente me ndikime fetare, me ideologji fetare.
Me njerëz konkrete dhe agjenci të ndërmjetme që infiltrojnë në këtë protestë. Nuk ka dilema që Irani është në përkrahje dhe sponsorizim, brenda kësaj proteste. Me mesazhe që vijnë për mbështetje të protestës.
E gjithë fizionomia, e gjitha arkitektura e kësaj proteste është iraniane. Irani e shpalli hapur: unë jam prapa këtyre protestave.
Frika është në faktin që mos të majiset influenca iraniane në Tiranë, të mos majiset terrorizimi islamik iranian në rrugët e Tiranë.
E keni parë që ata përdorin fëmijë në protestë, me qëllim, sipas udhëzimeve iraniane, që të mësohen me këtë gjë, që të hyjë lufta dhe he të hyjë islamizimi ekstremist.
Të gjithë institucionet e shtetit duhet të veprojnë. Presidenti i Republikës duhet të mbledhë Këshillin e Sigurimit, Gjykata Kushtetuese duhet ta shpallë jo kushtetuese çdo lëvizje iraniane në Shqipëri për thyerje të stabilitetit”, tha ai.
Nuk e kuptoj ka axhensi sigurimi shteti shqiptar. Shik-u dikur çfarë bën? A nuk duhet të inflitrojë njerëzit e saj nëpër këto grupime pro iraniane dhe të zbulojë nga kush dhe në çfarë mënyre financohen këta nga jashtë shtetit. Përse paguhet kjo lukuni agjentësh profesionistë kur qendrojnë larg këtyre protestave?
Është çështje stabiliteti dhe interesi kombëtar. Ndryshe iranianët do të na shkatërojnë deri në themeli. Ne e dimë se si u sollën ata me protestuesit e tyre. I vranë me mijra dhe i ndoqë dhe i çfarosën edhe nëpër shtretër spitalesh kur ata u ndodhën për tu shëruar. Mijra të tjerë të burgosur politikë. Shikoj papërgjegjshmëri shtetërore. Ajo Kosovaria në krye të Shik çfarë pret?