Kompania shtetërore ajrore e Iranit thotë se ka arritur marrëveshje me firmën amerikane, Boeing, për blerjen e 80 aeroplanëve me vlerë prej 16.6 miliardë dollarësh, ka raportuar agjencia shtetërore iraniane e lajmeve, IRNA.
Shefi ekzekutiv i kompanisë ajrore të Iranit, Farhad Parvaresh, ka thënë se përfaqësuesit e të dy palëve sot në Teheran e kanë nënshkruar marrëveshjen për blerje.
Ai më tutje ka theksuar se aeroplanët do të arrijnë në Iran gjatë 10 viteve.
Kjo marrëveshje u realizua pasi Departamenti i thesarit i Shteteve të Bashkuara në muajin shtator u ka dhënë leje kompanisë, Boeing, dhe rivalit evropian, Airbus, për shitje të aeroplanëve në Iran, në vlerë prej miliarda dollarësh, përgatiti Koha. (b.an)
