Belind Këlliçi, i zgjedhur në krye të Komisionit të Rithemelimit, në Kuvendin e Dhjetorit, e gjen veten 6 muaj më pas, pa asnjë funksion në PD-në e Sali Berishës. Ky i fundit e falenderoi për kontributin e dhënë, dhe tha sot se Këlliçi është një bashkëpunëtor i çmuar i tij.
Por çfarë ndodhi me Këlliçin, dhe a ia doli lobimi i Kokalarit që ta linte jahtë kupolës? Berisha nuk e mohon mundësinë e lobingjeve, por thotë se nuk mund të bëjë asgjë për t’i ndaluar ato, sa kohë që jetojmë në kohën e smartphoneve, që lehtësojnë përcjelljen e mesazheve.
Ditët e fundit zonja Kokalari është investuar që Belind Këlliçi të mos zgjidhet në postet drejtuese në PD. Keni ndjerë keqardhje për këtë gjë?
Berisha: Nuk jam në favor të asnjë lobimi, as negativ dhe as pozitiv, siç e thatë ju vetë, sot në kohën e smartphone, lobimi varet nga secili njeri.
Sa i takon zotit Këlliçi, ai është një bashkëpunëtor shumë i çmuar i Sali Berishës, që ka dhënë një kontribut të veçantë në përpjekjet e PD për Rithemelimin.
Nuk jam për asnjë lloj lobimi, siç sqaroj edhe se zonja Kokalari, pavarësisht kontributit, vendosi që të mos kandidonte për poste drejtuese në PD.
/e.d
