Kryeministri Edi Rama ka dhënë një intervistë për emisionin italian ‘Porta a Porta’, ku ka vënë theksin tek integrimi i vendeve të Ballkanit Perëndimor në BE.
Rama është shprehur se nuk mund të mendohet në BE që përfshin Shqipërinë dhe vendet e tjera të Ballkanit pa Serbinë.
Duke u ndalur tek lufta në Ukrainë, Rama tha se duhet që lufta të mos krijojë mosmarrëveshje mes vendeve anëtare të NATO-s dhe mes Serbisë.
Intervista:
Vittoriana Abate: A i frikësohet Shqipëria një zgjerimi të mundshëm të Bashkimit Europian që përfshin Serbinë, në një kohë kur Serbinë e shohim shumë pranë Rusisë?
Edi Rama: Jo, jo vetëm që nuk i trembemi kësaj, por jemi një zë mjaftueshëm i dalluar në Ballkanin Perëndimor që thotë se duhet ta mbajmë Serbinë shumë pranë dhe duhet të bëjmë gjithçka që të jemi të bashkuar politikisht.
Nga ana tjetër, sigurisht që ka dallime sepse Serbia nuk e ka sanksionuar Rusinë për arsye të qarta që në një moment duhet kuptuar se ato janë arsye të natyrës politike dhe historike, por edhe të natyrës pragmatike.
Vittoriana Abate: Cili është ndikimi i luftës në Ukrainë në Ballkan dhe në veçanti në Shqipëri?
Edi Rama: Ne duhet të bëjmë gjithçka për të shmangur që pasioni luftarak, le të themi, të mos na përfshijë edhe ne në krijimin e mosmarrëveshjeve mes vendeve anëtare të NATO-s dhe pro NATO-s në Ballkan dhe mes Serbisë dhe komuniteteve që i përkasin një bote sllavo-ortodokse, që është e lidhur ngushtë me Rusinë.
Vittoriana Abate: A mund të mendohet një Bashkim Europian që përfshin Shqipërinë dhe vendet e tjera të Ballkanit pa Serbinë?
Edi Rama: Jo, për mendimin tim jo.
Vittoriana Abate: Çfarë skenari mund të imagjinoni në këtë fazë të konfliktit?
Edi Rama: Mundësia më e madhe është që ky është një nga konfliktet e ashtuquajtura të ngrira, por me një dimension mjaft mbresëlënës që mund të marrë peng jo vetëm Rusinë dhe Ukrainën, por të gjithë botën për një periudhë të gjatë kohore.
Dhe, nëse rusët kanë qenë gjithmonë luftëtarë mjaft të ashpër, ukrainasit janë të njëjtë. Kështu të thuash që këtu mund të vendoset pa ata, më duket mjaft e vështirë./m.j
Vertetim me te plote se RAMA ESHTE SERB ANTISHQIPTAR nuk mund te gjendet
Atdhetaret e Vertete SHQIPTARE e kaNe vertetuar:”PA KOSOVE E ÇAMERI NUK KA SHQIPERI!
Ne kohen e Mbretit Zog;paa se te hynin ne klast e mesimit femijte kendonin:’Jam i vogel, Djal Shqiptar-kur te rritem do shkoj ushtar; do MARR PUSHKEN E DO LUFTOJ; KOSOVE E ÇAMERI DO I ÇLIROJ’!!!