Kryetari i Kuvendit, Ilir Meta i cili ndodhet për një vizitë në SHBA, gjatë intervistës për “Zërin e Amerikës” ka folur për reformën e drejtësisë, marrëdhënien e koalicionit dhe për gjendje ekonomikë në Shqipëri. Pyetjeve të gazetares së VOAs për përfshirjen e tij në aferën CEZDIA, kreu i LSIsë iu përgjigj duke e “këshilluar” se duhet ta nisë gazetarinë nga e para.
Gazetarja, Ardita Simiçia i drejtoi kreut të Kuvendit disa pyetje “ngacmuese”, ku e pyeti lidhur me ndryshimin e nivelit të jetës mes qytetarëve dhe politikanëve. Meta kësaj pyetje iu përgjigj se ai nuk ka makinë personale dhe se përdor makinën e shtetit.
Lidhur me marrëdhëniet brenda koalicionit, Meta u përgjigj se sfidat me të cilat përballet qeveria kërkojnë shtim të energjisë dhe impulsve. Edhe për situatën ekonomike në vend, Meta tha se duhet bërë shumë për rritjen ekonomike të vendit
A ndjeni presion lidhur me ndryshimin e nivelit të jetës mes politikanëve dhe qytetarëve… makinat, pushimet, vilat?
Meta: Unë kam makinë të shtetit.
A ndjeni presionin? A ndjeni dëshirë për të thënë mjaft më?
Meta: Nuk mund të merrem në gjera personale dhe ta ul bisedën në këtë nivel. Nuk kam asnjë makinë personale për të qenë ju të informuar.
Emri juaj është përmendur në aferën CEZDIA…
Meta: Ju niseni nga një shkrim i manipuluar i BIRN dhe harroni reagimin që thotë se nuk përmendet emri im. Sigurisht është emri i një ishkryeministri dhe kjo është bërë publike tashmë, por unë nuk dua të përmend emra. Unë kam marrë 260 mijë vota dhe nuk flas dot në emër të shqiptarëve. Është një shkrim i manipuluar i BIRN. Duhet ta filloni gazetarinë nga e para Pyetje të këqija nuk ka… unë mund të jem e painformuar por… Meta: Ka dalë emrin i ishkryeministrit, që akuzohet.
Pse tërhiqni një vëmendje të tillë madiatike?
Meta: Kur të mos jem në politikë emrin nuk do të dalë.
Qytetarët po ikin për ditë dhe po tregojnë se kanë humbur besimin, ju nuk e ndjeni këtë?
Meta: Mendoj që është gjëja më e lehtë të flasim në mënyrë populiste. Ne nuk do të gënjemë njerëzit.
