Debat i fortë lidhur me ligjshmërinë e regjistrimit te listave me kandidate per deputete ne KQZ.
Sipas ish-kreut të Komisionit Qendror të Zgjedhjeve, Kristaq Kume, nuk kemi të bëjmë me një shkelje ligjore përsa i përket regjistrimit të listave të kandidatëve për deputetë.
Kjo pasi sipas tij, regjistrimi i listave bëhet jo më vonë se 50 ditë para ditës së zgjedhjeve, por pa llogaritur ditën e zgjedhjeve, 18 qershorin.
Duke cituar nenin 67, Kume në një lidhje telefonike me ‘News24’ tha se data e regjistrimit të listave skadon sot në mbrëmje, dhe nëse nuk regjistrohen deri në orën 24:00 atëherë nuk duhen pranuar nga KQZ.
“ Në kodin zgjedhor parashikohet që regjistrimi i listave të bëhet jo më vonë se 50 ditë para ditës së zgjedhjeve, neni 67, pra bëhen llogaritë nga data 17 deri në ditën e 50. Nuk llogaritet dita e zgjedhjeve, në kod është e shkruar 50 ditë para ditës së zgjedhjeve. Që i bie data 29, pra skadon sot në mbrëmje. Nëse regjistrohen pas kësaj date, nuk duhen pranuar në KQZ, se ka shkelje ligjore,” tha Kume
