Frank De Boer mund të marrë frymë lirisht, të paktën deri në fundjavë. Dy gola të shënuar nga Mauro Icardi i dhanë fitoren 2-1 Interit kundër Torinos dhe kanë shpëtuar, qoftë edhe përkohësisht, trajnerin holandez. Skuadra e tij kthehet te fitorja pas tri humbjeve radhazi.
Të njëjtën gjë bën edhe Juventus, me një poker golash kundër Sampdorias, duke lënë pas humbjen e javës së kaluar me Milanin.
Me të njëjtat shifra, 4-1, fitoi edhe Lazio, kundër Cagliarit, ndërkohë që Roma mori një fitore të rëndishme 3-1 me Sassuolon, duke ecur me një hap me Juventusin.
d.i.
