Teksa ishte i ftuar në emisionin “Java në RTSH” për të folur për integrimin e Shqipërisë në BE, kryenegociatori i Shqipërisë Zef Mazi foli edhe për kontributin e opozitës në këtë cështje.
Në panelin me analistët Lorenc Vangjeli dhe Prec Zogaj, mazi u shpreh se opozita ka fjalë pozitive që janë në favor të hapjes së negociatave.
Ai u shpreh se të gjithë palët duhet të jenë bashkë pasi kjo gjë nuk ka të bëj me forcën politike që është në pushtet dhe për këtë arsye ka nevojë edhe për vepra jo vetëm për fjalë.
“Retorikën e tyre, nuk gjejnë vend fjalë që nuk janë në favor për hapjen e negociatave dhe kjo më gëzon. Pra, është e doemosdoshme që të jenë të gjithë të përkushtuar në këtë rast. Duhet të shikohet realisht problemi i intergrimit. Të gjitha palët duhet të jenë bashkë dhe të mos jetë në idenë që këtë gjë po e bëj unë. Nuk ka rëndësi cila është forca politike në pushtet në momentin e hapjes së negociatave. Unë mendoj që të bëhemi të gjithë së bashku dhe me vepra, jo vetëm me fjalë.”– u shpreh Mazi në emisionin “Java në RTSH”.
/b.h
