Ambasadori i Bullgarisë në Tiranë, Momtchil Raytchevski gjatë paradites së sotme ka qenë i pranishëm në Universitetin “Fan S. Noli” ku u zhvillua një vizitë me një delegacion të përbërë nga drejtues dhe pedagogë të universiteteve Bullgare.
I pyetur nga gazetarët lidhur me mbështetjen e Shqipërisë dhe Maqedonisë së Veriut për integrimin e tyre në BE, ai tha se Bullgaria po jep përkrahjen e saj pa kushte dhe aktive në zgjerimin europian.
Një përgjigje ka dhënë ambasadori edhe lidhur me kërkesën e Shqipërisë për t’u ndarë nga Maqedonia e Veriut sa i përket anëtarësimit në BE.
“Çfarë do të kërkojë Shqipëria ky është vendim i republikës së Shqipërisë. Unë nuk mund të komentoj sa i përket kushteve përsëri them që Shqipëria ka bërë punën e vet.”, u shpreh ai.
“Në kushtet kur lufta vazhdon në Ukrainë, BE a duhet të bëjë më shumë për Ballkanin perëndimor?”, kjo ishte një tjetër pyetje nga gazetarët.
Sipas Raytchevski BE po bën mjaftueshëm dhe se me rëndësi në këto momente është thjesht përfundimi i luftës.
“Unë mendoj që BE tashmë po bën shumë, mendoj më me rëndësi aktualisht është përqendrimi i të gjithëve në përfundimin e luftës.”, u shpreh ai.
/b.h
