Kryeministri i vendit Edi Rama edhe ditën e sotme ka zhvilluar bashkëbisedimin e tij me ndjekësin në Facebook në rubrikën “Sy m’Sy”, duke iu përgjigjur pyetjeve.
Ndër të tjera, Rama komentoi vizitën e tij të zhvilluar një ditë më parë në Bruksel, ku u shpreh se ecuria e Shqipërisë drejt BE është përshëndetur nga të gjithë.
Kryeministri theksoi se BE nuk është kurrë në rolin e bamirësit sepse kërkon të ofrojë pranë vetes vende me standard.
“BE kurrë nuk është në situatën e një bamirësi sepse me të drejtë kërkon se kë ofron, ta ketë si veten me standarded e veta. Nuk ka asgjë më të padiskutueshme se sa rezultatet e monitorimit të vazhdueshëm të BE.
Po të ishim sado pak afër të vërtetës gjithë ai llum që hidhet në plagën e shqiptarëve që kanë durimin të hapin kanalet e informimit televiziv nuk kishim shanc ne të merrnim 2027 si afat për mbylljen e negociatave, por e kundërta është e vërtetë. Të gjithë rezultatet e vazhdueshme që bën BE… E dini sa njerëz janë të angazhuar, 1000 vetë nga të gjitha departamentet dhe fushat. Një popull i tërë simetrik me gjithë popullin ktej për të bërë negociatat. Si mund të gabojnë 1000 vetë dhe të jenë të pagabueshëm kto kua kua kuatë. Jemi në rrugën e duhur. Kemi plot gjëra për të bërë akoma dhe për këto po punojmë.
Kemi të meta plot, por jo ato që na këndon këneta. Pastaj jemi spostuar në Luksemburg sepse sipas traktatit janë tre herë në vit që spostohet në Luksemburg dhe kemi çelur një tjetër grup kapitujsh që siç e dëgjuat dhe ua thanë në kuadrin e bombardimit me gënjeshtrat e tyre nuk do të hapen më sepse ishte mbyllur dera për Shqipërinë, apo se mua nuk më kishin dhënë as dark se isha sjellë keq. Po prisnin bufin e kënetës”, theksoi Rama.
