Ministria e Mirëqënies Sociale dhe Rinisë nëpërmjet një deklarate për mediat mbrëmjen e sotme bën të ditur se ditën e merkure, me mbështetje të Ministrisë së Integrimit dhe me bashkepunimin e Delegacionit Evropian në Shqipëri, organizon aktivitetin “Integrimi i Komunitetit Rom dhe Egjiptian” në kuadër të Dialogut politik ndërmjet Shqipërisë dhe Bashkimit Evropian.
“Integrimi përfshin arsimimin, punësimin, aftësimin dhe formimin profesional, mbrojtjen sociale dhe aksesin në shëndetësi e politikat e integrimit të Komunitetit Rom dhe Egjiptian në Shqipëri”, thuhet në deklaratën e Ministrise se Mirëqënies Sociale dhe Rinisë.
Po ashtu, bëhet e ditur se do të marrin pjesë ministri i Mirëqënies Sociale dhe Rinisë, Blendi Klosi, ambasadorja e Delegacionit te Bashkimit Europian në Shqipëri, Romana Vlahutin, ministrja e Integrimit Europian, Klajda Gjosha dhe Marta Garcia Fidalgo, koordinatore e politikave për romët e vendeve në zgjerim në Komisionin Europian.