Ndërsa flitet për të vrarët e Serbisë po harrohen krejt ata që vdiqën nga represioni I fashistëve dhe serbëve më 1944. E tillë është një varrezë massive në Tabje. Plaku 91-vjeçar nga fshati Katundi i Ri i Pejës, Isuf Muqolli, jeton qe shtatë dekada me shpresë që një ditë do t’i gjejë eshtrat e babës së vet. Kjo është dëshira e tij e fundit që ka, për t’i gjetur dhe varrosur eshtrat e babës së vet, e pastaj të vdesë i qetë pa merakun që po e ndjek si hija tërë jetën, shkruan sot Koha Ditore. Ishte vjeshta e vonshme e vitit 1944, kur baca Isuf për herë të fundit e kishte parë të gjallë babën e vet, Musë Muqolli, një luftëtar i çetave vullnetare.
Ai ishte bërë therë në sy e autoriteteve partizane-komuniste, të cilat sapo kishin zënë vend në Pejë. “Asht kanë fundi i vitit 1944 kur ka hi partia. Prej asaj dite ma kurrë s’e kam pa”, e kujton baca Isuf me dhembje momentin, kur baba i tij doli nga shtëpia për të mos u kthyer më.
