Viti 2022 ka sjellë më shumë lindje në popullatën shqiptare. Sipas të dhënave zyrtare, vetëm në dy muajt e parë të këtij viti kanë lindur 6191 foshnje, që kanë përfituar edhe bonusin e bebes.
Shumica janë regjistruar në muajin Janar me 3360 lindje dhe 2831 gjatë muajit Shkurt. Shumica e grave kanë zgjedhur spitalet publike për të sjellë në jetë fëmijën.
Krahasur me të njëjtën periudhë të një viti më parë ka një rritje me 3 % të lindjeve në Shqipëri. Sipas INSTAT, në tre muajt e parë të vitit të kaluar janë regjistruar 6.006 lindje, duke shënuar një rënie me 5,4 %, krahasuar me tremujorin e parë 2020.
Por dy vite pas pandemisë, shqiptarët po lindin më shumë. Qarku i Tiranës ka edhe numrin më të lartë të lindjeve.
